Nëse po përpiqeni të humbni peshë, me siguri keni dëgjuar këshillën se konsumimi i më shumë ujit mund të ndihmojë shumë. Pyetja është se sa e saktë është kjo deklaratë.

Edhe një dehidrim i vogël mund t’ju bëjë të lodhur dhe nervoz. Në momente të tilla filloni të hani karbohidrate të rafinuara si ëmbëlsira, patatina, petulla dhe të ngjashme.

Këto ushqime të paktën për pak kohë na ngrenë humorin. Megjithatë, marrja e ujit duhet të jetë një prioritet. Uji dërgon sinjale në trurin tuaj duke i thënë se jeni mjaftueshëm të ngopur.

Konsumimi i ujit përshpejton metabolizmin. Një studim i publikuar në vitin 2016 në revistën Frontiers in Nutrition tregoi se funksioni mitokondrial mund të përmirësohet, gjë që rrit ndarjen e yndyrës në qeliza. Sigurisht, zbërthimi i yndyrës ndihmon në humbjen e peshës.

Nëse po pyesni se sa ujë duhet të pini për të humbur peshë, dijeni se nuk ka një përgjigje të saktë. Një studim i vitit 2008 zbuloi se gratë para menopauzës që pinin më shumë se një litër ujë në ditë humbën rreth pesë kilogramë në një vit. Nga ana tjetër, Akademia Kombëtare e Shkencave, Inxhinierisë dhe Mjekësisë së Shteteve të Bashkuara (NAS) pohon se marrja adekuate e përditshme e lëngjeve është si vijon: rreth 3.7 litra ujë në ditë për burrat dhe rreth 2.7 litra në ditë për gratë./FrontOnline/