Krahasuar me frutat e tjera, bananet janë mjaft të pasura me sheqer. Për shembull, një filxhan me mollë përmban rreth 60 kalori, por nga ana tjetër, një filxhan me banane përmban më shumë se 130 kalori.

Të gjithë e dimë se një dietë me kalori është e keqe, veçanërisht për ata që duan të humbin peshë. Arsyeja kryesore është se këto kalori që nuk digjen do të ruhen në trup në formën e yndyrës, transmeton FrontOnline.

Por bananet nuk janë të pasura vetëm me sheqer. Gjegjësisht, ky frut përmban edhe sasi të mëdha të kaliumit, magnezit, manganit, vitaminës C dhe vitaminave të tjera që janë jashtëzakonisht të dobishme për organizmin tonë. Përveç kësaj, bananet janë të pasura me fibra, gjë që është thelbësore nëse doni të humbni peshë.

Kur hani një banane, për shkak të përmbajtjes së lartë të fibrave, do të ngopeni shpejt dhe do të parandaloni të ngrënit e tepërt. Kjo është arsyeja pse ju nuk mund të hani shumë banane në të njëjtën kohë, kështu që nuk do të merrni shumë kalori në të njëjtën kohë.

Pse është mirë të hamë banane?

Disa ekspertë rekomandojnë konsumimin e bananeve dhe theksojnë se është më mirë të hani një banane sesa të zgjidhni disa ushqime të pashëndetshme, siç janë petullat, të cilat sigurisht do të çojnë në shtim në peshë. Ka disa arsye shtesë pse duhet të hani banane rregullisht.

Bananet janë të pasura me kalium, një mineral që ul presionin e gjakut duke eliminuar natriumin e tepërt nga trupi. Personave që vuajnë nga pagjumësia rekomandohet të hanë një banane para gjumit. Konsumimi i rregullt i bananeve do të ndihmojë gjithashtu në kapsllëk për shkak të përmbajtjes së lartë të fibrave. Bananet rekomandohen edhe për personat që kanë diarre pikërisht për shkak të fibrave./FrontOnline/