[wp-story]

Lajme

A është ky sinjal që LDK do ta kandidojë Kujtim Shalën për kryeministër?

A është ky sinjal që LDK do ta kandidojë Kujtim Shalën për kryeministër?
16:41 | 22 Dhjetor 2020
Kosova do të shkojë në zgjedhje të jashtëzakonshme brenda një periudhe kohore brenda 40 ditësh, si rezultat i vendimit të djeshëm të Gjykatës Kushtetuese.

Ushtruesja e detyrës së presidentit, Vjosa Osmani, sot ka takuar ndaras përfaqësuesit e partive politike për të diskutuar rreth datës së zgjedhjeve.

Gara pritet të jetë tejet e ashpër, dhe partitë politike pritet që të dalin me emra për kandidatë për kryeministër.

Sinjale ndërkohë janë lëshuar nga Lidhja Demokratike e Kosovës. Ka qenë deputetja Doruntinë Maloku e cila ka publikuar një fotografi në zyrat e LDK’së, duke i thurur lavde Kujtim Shalës.

Maloku ka njoftuar se nga sot Shala është anëtar i rregullt i Akademisë së Shkencave, duke shtuar se Lidhja Demokratike është “akademi”

“Kolegu ynë, Kujtim Shala, nga sot, është anëtar i rregullt i Akademisë së Shkencave dhe Arteve të Kosovës.

#LDK është Akademi!”, ka shkruar Doruntinë Maloku.

Kush ështe kosovari THE VICTOR që synon tregun e jashtëm? (video)

Të tjera