Kandidati për deputet i Lidhjes Demokratike të Kosovës, Lumbardh Salihu, ka realizuar sot një vizitë në komunën e Mitrovicës.
Ai thotë se kaloi të diel të mrekullueshme me bashkëpartiakë të tij të LDK-së në atë komunë, transmeton klankosova.tv.
Ndër tjera, ai ka publikuar edhe disa pamje, në të cilat shihet pranë pjesës veriore të Mitrovicës.
”Kalova një të diel të mrekullueshme sot me kandidatët për deputet dhe të rinjtë e LDK-së në Mitrovicë. Patëm diskutime shumë të frytshme për mënyrat se si mund të krijojmë kushte më të mira për rininë në përgjithësi dhe veçanërisht për ata që dëshirojnë të merren me sport. Po ndihem jashtëzakonisht mirë me gjithë mbështetjen dhe përgëzimet që kam marrë sot dhe çdo ditë që nga angazhimi im në LDK”.
Kujtojmë që Lumbardh Salihu është njëherësh edhe fitues i edicionit të dytë të Big Brother VIP Kosova nga Klan Kosova, ku gjatë qëndrimit të tij shprehte shqetësime mbi situatën e veriut në vend.
