Bedri Hamza mund të jetë kandidati për kryetar në Komunën e Mitrovicës.

Kështu të paktën po raporton mediumi lokal i Mitrovicës, Mitropol. Sipas mediumit në fjalë, Bedri Hamza, kryetar aktual i grupit parlamentar të Partisë Demokratike të Kosovës, me shumë gjasë do jetë emri i propozuar për kandidat nga radhët e PDK-së.

Mediumi ka kontaktuar edhe zëdhënësin e kësaj partie, Avni Bytyçin, por ky i fundit ka thënë se nuk ka asgjë zyrtare.

Emrat e kandidatëve për kryetar mësohet se do të publikohen në muajin tetor.

Kryetari aktual i grupit parlamentar të Partisë Demokratike ka mbajtur gjatë ditës së sotme takim me nëndegët partiake në Mitrovicë.