Bernardin Jakaj nuk njeh humbje. Boksieri shqiptar i cili jeton në Vjenë ka fituar meçin ndaj serbit, Nikoliç.
Jakaj ishte më i mirë në duel duke arritur ta mposht serbin nacionalist, Nikoliç, i cili para këtij dueli kishte provokuar me flamurin e Kosovës me ngjyrat e Serbisë.
Meçi i zhvilluar në Marien Erzendorf, në afërsi të Vjenës, u dominua nga Jakaj. Madje, boksieri me prejardhje nga Gjakova e rrëzoi një herë Nikoliqin në rundin e tretë. Por serbi rezistoi deri në rundin e dhjetë, e më pas fitorja u vendos nga gjyqtarët. Jakaj ishte fitues i padiskutueshëm, pasi dominoi thuajse secilin rund.
Për Jakajn ky ishte meç mjaft me peshë. 25-vjeçari nga Gjakova vazhdoi bilancin e qindpërqindtë. Shënoi fitoren e 14 në po aq meçe./ Albinfo.at
