Kryeministri i Kosovës, Albin Kurti, ka bërë të ditur se objekti i qeverisë është ndriçuar me flamurin turk pas tërmeteve shkatërruese që goditën këtë shtet dhe Sirinë.
Kurti tha se në këto ditë zie, populli i Kosovës qëndron pranë atij turk.
“Në këtë ditë zie kombëtare, ne ndezim kuq e bardhë ndërtesën e qeverisë sonë për nder të viktimave të tërmetit shkatërrues të kësaj jave dhe në solidaritet me familjet dhe miqtë e tyre. Ne lutemi për shëndetin e të plagosurve dhe qëndrojmë pranë popullit dhe shtetit të Turqisë”, shkroi ai në Twitter.
On this national day of mourning we light our Government building red and white in honor of the victims of this week’s devastating earthquake, and in solidarity with their families & friends. We pray for the health of those injured & stand by the people & the state of Türkiye. pic.twitter.com/Fd8dy7uiFT
— Albin Kurti (@albinkurti) February 8, 2023
