×
  • Lajme
  • Lajme

    Shkëlzen Maliqi: SHBA-ja ka treguar mjaft durim ndaj arrogancës së Kurtit

    FrontOnline
    30 Janar 2023

    Njohësi i çështjeve politike, Shkëlzen Maliqi ka folur për takimin e nesërm të ftuar nga ambasada për çështjen e asociacionit, si dhe qëndrimin e kryeministrit të Kosovës, Albin Kurti përkitazi me këtë çështje.

    Maliqi ka thënë se situata aktuale është e palakmueshme për Kurtin, por dhe për Kosovën.

    “E ka vetë fajin për këtë, sepse prej kohës po përpiqet që të zhvillojë politikë “sovraniste” duke ndërmarrë me këmbëngulje masa politike që kanë prodhuar kriza të njëpasnjëshme gjastë vitit 2022, të gjitha këto pa koordinim me SHBA-të dhe partnerët perëndimorë, madje edhe duke refuzuar hapur kërkesat e Uashingtonit që t’i ipet kohë diplomacisë perëndimore që të përgaditen kushtet e arritjes së një marrëveshje të avancuar mes Kosovës dhe Serbisë. Kryeministri Kurti ka shfaqur tërë kohën idetë e veta për procesin, dhe i bindej SHBA-ve, dhe këtë jo plotësisht, vetëm kur politikat e t’ia dështonin ose e sjellnin gjendjen buzë konflikteve të armatosura në Veri të Kosovës. Washintoni nuk është më i gatshëm që të tolerojë obstruksionet e Kryeminstrit Kurti, dhe neser i ka ftuar në ambasadëm amerikane të gjithë ata faktorët politikë dhe të shoqërisë civile që janë të gatshëm të bisedojnë rreth përmbushjes së një obligimi ndërkombëtarë që e ka Qeveria e Kosovës, rreth krijimit të Asociacionit”, ka thënë Maliqi.

    Më tutje, ai ka thënë se administrata Biden ka treguar mjaft durim siç e quan ai, arrogancën e Kurtit, dhe pasi që çështja e marrëveshjes Kosovë- Serbi, është më rëndësi për stabilizimin e rajonit, ShBA, sipas tij, e ka vlerësuar si të domosdoshme konsultat me krejt spektrin politik të Kosovës, dhe ai do të mbahet edhe pa Kurtin.

    “Edhe Presidentja Osmani ka vendos me e dërgue dikend të kabinetit të saj në takim, kurse Kurti doli vetëm më një konstatim, me pikëçuditëse, se as nuk është ftuar për këtë bisedë. Mendoj se Kurti bën gabim trashanik. Ndërmjetësuesi ameriknë Derek Chollet e ka publikuar dje një shkrim autorial rreth Asociacionit, ku tregon qartë se kompetencat dhe funkcionet e asociacionit që nuk rezikojnë Republikën e Kosovës. Në te shprehet se “kundërshton ashpër çfaredo përpjekje që Asociacioni t’i përngjajë Republika Srpska”, që Kryeministri Kurti e ka përmendur gjithnjë si argumenent kundër pse nuk duhet të ketë Asociaciion. Takimi i nesërm do të jetë besoj sqarimn për politikat në esencë autiste të Kurtit. Pas këtij takimi ai do ta ketë shansin e fundit që të kyçet në proces dhe kontribuuon për arritjen e marrëveshjes me Serbinë, që edhe vetë ka thënë se avancon pozitën e Kosovës. Nëse nuk e bën këtë, nuk do t’i kemi punët mirë”, ka theksuar ai për Indeksonline.

    I pyetur rreth mundësisë së rrëzimit të qeverisë, dhe shkuarjes së vendit në zgjedhje të parakohshme, Maliqi ka thënë se nëse krijohet një front i gjërë kundër tij, dhe Qeveria Kurti humb hapësirën manovruese, do të ishte vendim më i drejtë që të shpallën zgjedhjet dhe të shihet se a e ka Kurti ende përkrahjen e shumicës.

    “Nuk dua të spekuloj, por gjithësesi do të jetë autogol i Kurtit. Nëse krijohet një front i gjërë kundër tij, dhe Qeveria Kurti humb hapësirën manovruese, do të ishte vendim më i drejtë që të shpallën zgjedhjet dhe të shohim se a e ka Kurti ende përkrahjen e shumicës. Në zgjedhjet lokale para një viti VV-ja pati përjetuar fiasko, andaj edhe situata që kemi sot kërkon që Kurti t’i drejtohet elektoratit. Më korrekte do të ishte që ai të largohet me votën e popullit, dhe jo të „rrëzohet“. Mos të harojmë se edhe Qeveria e parë Kurti është rrëzuar me 2/3 e votave në Kuvend, edhe pse atëherë akuzohej ndërmjetësuesi amerikan Grenell si nxitësi. Por, tani edhe vetë duhet të kuptoj se çëshja duhet ti delegohet elektoratit, një referendumi të rij, sepse edhe 51.5 % e votës së vitit 2021 Kurti e quajti refrendum”, ka përfunduar ai.

    Avokati i Popullit Naim Qelaj dhe përfaqësueset e UN Women Kosovo vizitë në KEDS
    Nga Rubrika
    Lajme07 Maj 2024
    Ministri i Bujqësisë, Faton Peci, ka takuar Sekretarin e Shtetit të Polonisë për Bujqësi, Michal Kolodziejczakun. Peci tha se me Kolodziejczakun shqyrtuan...
    Lajme07 Maj 2024
    Asociacioni i Gazetarëve të Kosovës, thotë se me shqetësim të thellë po i përcjellë raportimet e Kiks Kosova për shpërndarjen e numrit...
    Lajme07 Maj 2024
    Për të mërkurën parashikohet të mbajë mot me vranësira dhe intervale me diell, ku pritet fillimisht të ketë rrebeshe të izoluara, kryesisht...
    Të tjera
    Lajme07 Maj 2024
    Ngritja e aktakuzës për sulmin e 24 shtatorit në Banjskë, nuk mund të bëhet derisa shumica e provave janë jashtë vendit për...
    Sport07 Maj 2024
    Besiktas dhe Ankaragucu janë takuar sot (e martë) në kuadër të ndeshjes së dytë të fazës gjysmëfinale të Kupës së Turqisë. Pasi...
    Bota/Rajoni07 Maj 2024
    Një delegacion i Hamasit ka mbërritur në Kajro për të ndjekur negociatat për armëpushim në Gaza, thuhet në një deklaratë nga grupi....
    Lajme07 Maj 2024
    Kryetari i Partisë Socialdemokrate (PSD), Dardan Molliqaj, ka thënë se Albin Kurti i ka shkaktuar dëme Kosovës në dialog me marrëveshjen e...
    Bota/Rajoni07 Maj 2024
    Kuvendi i Shqipërisë shpall objektiv strategjik kombëtar, pavarësisht ngjyrave politike, anëtarësimin e vendit tonë në Bashkimin Evropian në vitin 2030. Ky është...
    Vip07 Maj 2024
    Sot është gjysmëfinalja e parë e festivalit madhështor “Eurovision Song Contest” i cili këtë vit po mbahet në Malmo të Suedisë, pas...

    FrontOnline, © 2024 Të gjitha të drejtat e rezervuara.