Këshilli i Medieve të Shkruara të Kosovës( KMSHK) me shumicë votash ka hedhur poshtë ankesat e Agjencionit për Financim në Kosovë dhe kryetarit të Shoqatës se Institucioneve Mikrofinanciare, Arsim Bruçajt, kundër portalit “Front Online”.
Sipas komunikatës për medie nga KMSHK, ankesa e AFK-së (Agjencioni për Financim në Kosovë, Institucion Mikrofinanciar) kundër Front Online nuk u miratua, pasi që në titull ”Agjencioni i fajdeve të Kosovës” përdorimi i fjalës “fajde” u shkrua në mbështetje të kamatave shumë të larta që nuk i përgjigjen kushteve tona.
KMSHK poashtu ka bërë të ditur se nuk u miratua as ankesa e Arsim Bruçaj kundër portalit “Front Online”.
