Rojet e vetëshpallura të mjedisit bëhen gjithnjë e më popullore në këto ditë.
Këtë të premte një person i tillë publikoi një foto, duke akuzuar kompaninë Kelkos Energy publikisht për përdorimin e 100% të ujit të lumenjve për prodhimin e energjisë me hidrocentralin Lumbardhi 2.
Kjo është një akuzë shumë e rëndë. Duke marrë parasysh ndjeshmërinë e temës, ne kemi hetuar situatën në terren. Doli që ky “lajm” nuk është aspak i vërtetë.
Faktet e hetuara tregojnë se Lumbardhi 2 nuk ka funksionuar që nga 15 Prill 2019, pas një urdhri të përkohshëm të Zyrës së Rregullatorit të Energjisë. Ky fakt u dëshmua nga komunikimi zyrtar midis kompanisë KelKos dhe KOSTT (foto 1). Dokumenti, dërguar KOSTT, tregon qartë se kompania austriake ka njoftuar KOSTT në prill për energjinë e prodhuar të Hidrocentralit Lumbardhi 2. shifrat e njesorit tregojnë vlerën prej 334,578këh që nga 15 Prilli 2019. E njëjta vlerë e cila është akoma e pranishme në njehësorin e datës 2 Nëntor 2019 (shiko foton 2), gjë që bën të qartë se ky hidrocentral nuk ka prodhuar energji që nga ajo datë, që tregon se ky hidrocentral nuk ishte funksional që nga atëherë. Ky fakt dëshmon se Lumbardhi 2 nuk ishte aspak funksional as në ditën kur u publikua fotografia nga ky person.
Pra, këtu janë faktet, të cilat kundërshtojnë plotësisht akuzat e bëra .
Fotografia akuzuese, e cila është bërë në 1 nëntor 2019, tregon se kompania austriake ka ndaluar tërë rrjedhën e ujit për të prodhuar energji. Në prapavi, kjo nuk është vetëm një deklaratë tendencioze, por një deklaratë e pavërtetë shkruan Periskopi.
Ne e kuptojmë nga burimet tona të besueshme, se në ditën kur u publikua kjo fotografi, jo vetëm Lumbardhi 2, por as hidrocentralet Deqani dhe Bellaja nuk po prodhonin energji (siq duket që nga gushti Kelkos nuk prodhon energji elektrike gjatë shumicës së kohës për shkak të thatësirave, të cilat ndikojnë edhe në bujqësinë e Kosovës).
Pas konsultimit na u konfirmua nga avokati i kompanisë KelKos, Z. Arianit Koci, se kompania KelKos po shqyrton të gjitha mundësitë ligjore kundër personave ose mediave, të cilët publikojnë lajme të pa verifikuara ose të pavërteta, të cilat synojnë të dëmtojnë imazhin e kompanisë.
Sigurisht, një lajm i tillë tendencioz dhe i paverifikuar mund të ketë ndikim të madh në përkeqësimin e klimës për investimet e huaja. Eshtë e vështirë të kuptohet pse persona të caktuar jo vetëm që përpiqen të dëmtojnë më tej imazhin e vendit për investitorët e huaj, por edhe ta bëjnë këtë me shembullin e energjisë së gjelbër, e cila është lloji më i nevojshëm i energjisë së shëndetshme për njerëzit e Kosovës, veçanërisht kur përballemi me situatën aktuale të energjisë .
