Lëvizja Vetëvendosje dhe Lidhja Demokratike e Kosovës (LDK), do të takohen gjatë ditës së sotme me fillim prej orës 15:00 për të harmonizuar qëndrimet lidhur me krijimin e koalicionit mes dy partive.

Dy temat që do të diskutohen në këtë takim pritet të jenë, kultura dhe arsimi. Kështu të paktën kishte paralajmëruar Arben Gashi nga LDK.

“Takimi i ardhshëm do të jetë të hënën me fillim prej orës 15:00 dhe temë diskutimi do të jetë kultura dhe arsimi”, kishte thënë Gashi.

Kujtojmë se në takimin e fundit mes këtyre dy partive politike ishte diskutuar për sundimin e ligjit, vettingun si dhe krijimin e një zyre hetimore. Po ashtu temë diskutimi kishte qenë edhe themelimi i Institutit për Krime Lufte në Kosovë.

“Siguria e jashtme që ka të bëjë me Ushtrinë e Kosovës dhe me ngritjen e saj për anëtarësim në NATO, për sigurinë në trafik, sigurinë publike dhe çështje të tjera të sigurisë”.

“Folëm për sundimin e ligjit që ka të bëjë më gjykatat, prokuroritë, folëm për Vetiungun dhe folëm për krijimin e një zyre të veçanta e cila do të ngrihet një zyre që mund të quhet Zyra e Hetimit”, kishte deklaruar Gashi./Front Online/