Blerim Krasniqi edhe zyrtarisht është larguar nga Gjilani për ta nisur një aventurë të re në Rumani.

Konkretisht, futbollisti nga Kavaja është transferuar te Mioveni për dy vitet e ardhshme, shkruan FrontOnline.

Krasniqi u prezantua dje te Mioveni.

Vlen të theksohet fakti se skuadra rumune, po kalon një periudhë të vështirë në kampionat, ku në pesë javë, ka arritur të sigurojë vetëm një pikë, duke u renditur në vendin e fundit.

Sa i përket Krasniqit, 26-vjeçari shkëlqimin e tij e pati tre edicione më parë, kur ishte pjesë e Skënderbeut në Superiore.

Dy edicione të mira sulmuesi zhvilloi edhe me Apoloninë, teksa ndër të tjera ka veshur edhe fanellën e Besës dhe Teutës./FrontOnline/