Nesër në ora 13:00 bëhet shpallja e aktgjykimit ndaj të akuzuarit Bardhyl Zeqiri, i cili ngarkohet për veprën penale “vrasje e rëndë”.
Sipas aktakuzës, me datë më 24 qershor 2021, në Gjilan, saktësisht në kafiterinë “Viva La”, i akuzuari me dashje ka privuar nga jeta viktimën Ismajl Cani, për motive të ulëta.
“Shpallja e aktgjykimit bëhet në objektin e gjykatës, kati parë, salla I”, bën të ditur Gjykata Themelore në Gjilan.
Zeqiri dyshohet se pas një mosmarrëveshjeje verbale që kishte pasur me Canën, e ka goditur atë me thikë dhe për shkak të plagëve të marra, ky i fundit nuk ka arritur të mbijetojë.
40-vjeçari ndërroi jetë rrugës për në Spitalin Regjional të Gjilanit.
