Policia e Kosovës, ka parandaluar edhe një rast të kontrabandës.

Kësaj radhe nga Maqedonia e Veriut.

Përmes, një komunikate për media, është bërë e ditur se përmes rrugëve malore nga Maqedonia e Veriut një mjet transportues ka tentuar të hyjë në Kosovë.

Komunikata e plotë:

Policia e Kosovës, njësia policore nga Drejtoria Rajonale e Policisë Kufitare Lindje, në zbatim të masave për parandalim dhe luftimin e paligjshmërisë dhe kontrabandës, kanë intensifikuar kontrollet  taktike dhe operacioneve në teren.

Më 24.06.2022 rreth orës 21:00, gjatë kryerjes së detyrave të rregullta dhe vëzhgimeve në prita të befasishme, policia ka arritur të vërejë dhe më pas ka përcjellë hyrjen e mallrave përmes rrugëve malore ilegale nga Maqedonia e Veriut në Republikën e Kosovës. Policia ka ndaluar një mjet transportues të mbyllur (furgon), në të cilin ka gjetur dhe sekuestruar:

 Vaj motorik 50 bidona x 20l = 1000 litra

 Divan (mobile ) dysh = 10 copë

 Divan (mobile) njëshe = 40 copë

 Tavolinë (mobile) = 2 copë, si dhe

 Pjesë të ndryshme për mobileje.

Njësia e Policisë Kufitare  me mbështetje të hetimeve rajonale  dhe në bashkëpunim me prokurorin e shtetit janë duke punuar për hetimin e rastit si dhe parandalimin e rasteve të tilla,  ndërsa malli i konfiskuar i dorëzohet Doganës së Kosovës për procedura të mëtejme./Front Online