Përfaqësuesja e Kosovës, seniorët, në të dy konkurrencat, ka zhvilluar të gjitha përgatitjet e nevojshme dhe është e gatshme për Kampionatin Ballkanik të volejbollit në rërë, i cili zhvillohet në Balikesir të Turqisë.
Në konkurrencën e femrave, Kosova përfaqësohet nga dyshja Dhurata Sylejmani/Valmira Ramadani, e cila drejtohet nga trajneri Edon Ibrahimi. Ndeshjet zhvillohen mes datave 23-26 qershor, 2022, përcjell FrontOnline.
Te meshkujt, ngjyrat e “Dardanëve” i mbron çifti Fatlum Hajrizi/Erion Bajrami, me ndeshjet që zhvillohen mes datave 24-26 qershor.
Federata e Volejbollit të Kosovës ka ndërmarrë të gjitha hapat e nevojshëm në përgatitjen e kushteve stërvitëse dhe agjendës udhëtuese të ekipeve, derisa i uron fat atyre në këtë garë./FrontOnline/
