AKTORI Will Smith vendosi të shkojë në një udhëtim pas incidentit të Oscarit. Ai u pa sot në një aeroport privat në Mumbai, një qytet në Indi.

Fotografi indian Viral Bhayani fotografoi Will-in në aeroport. Kjo është hera e parë që aktori është filmuar pasi goditi Chris Rock në Oscars në fund të muajit të kaluar.

Bhayani ka xhiruar një video të shkurtër ku shihet Will Smith duke përshëndetur dhe buzëqeshur paparacët. Aty aktori ka bërë foto me fansat.

Shumë komente u mblodhën nën postimin e fotografit

“Will po vjen në Bollywood”, “Stand up humoristët janë në rrezik tani”, “Mos u shqetësoni njerëz, ata nuk do të na godasin me shuplakë”, “Aktorë të Bollywood-it, kujdes”, janë vetëm disa nga komentet.

Gazeta lokale Hindustan Times raportoi se Will po qëndronte në një hotel në Juhu./FrontOnline/