Policia e Kosovës ka zhvilluar mbrëmë një aksion kundër organizimit të lojërave të fatit në një lokal në lagjen “Bazhdarhane” në Prizren, që rezultoi me dy të ndaluar.
Burimet e Gazetës Sinjali brenda Prokurorisë kanë bërë të ditur se dy personat që u arrestuan si të dyshuar për organizim të bixhozit janë Alban Beshi dhe Bejtullah Ibrahimi.
Gjatë arrestimit të të dyshuarve, Policia ka sekuestruar edhe katër aparate në cilësinë e provave lidhur me rastin.
Rasti është duke u hetuar nga hetuesit policor të Stacionit Policor në Prizren dhe është iniciuar si “Organizimi i skemave piramidale dhe bixhozit të paligjshëm”.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
