Një grabitje nën kërcënimin e armëve nga tre persona ka ndodhur në filialin e Bankës Kombëtare Tregtare në lagjen Dardania në Prishtinë.
Lajmin për FrontOnline e ka konfirmuar zëdhënësja e Policisë për rajonin e Prishtinës, Flora Ahmeti.
Ajo ka thënë se grabitja ka ndodhur rreth orës 08:40.
“Rreth orës 08:40 është raportuar për një grabitje të ndodhur në filialin e një banke në lagjen Dardania në Prishtinë . Policia ka dalë në vendngjarje dhe nga informacionet e para dyshohet që grabitja është kryer nën kërcënimin e armëve nga tre persona të dyshuar”, ka thënë ajo për FrontOnline
Sipas saj, aktualisht po vazhdon ndërmarrja e veprimeve të nevojshme policore me qëllim ndriçimin e rastit./FrontOnline
