Kryeministri i Maqedonisë së Veriut, Zoran Zaev e ka uruar Ditën e Alfabetit të Gjuhës Shqipe.

Ai këtë e bëri përmes një postimi në llogarinë e tij në rrjetin social, Facebook.”Në këtë ditë të vitit 1908, në Manastir përfundoi Kongresi i Manastirit ku u krijua alfabeti i standardizuar i shqipes. Kongresi u mblodh më 14 nëntor dhe morën pjesë delegatë nga Maqedonia, Shqipëria dhe komunitetet shqiptare në Rumani, Egjipt, Amerikë, Greqi, Turqi, Itali dhe vende të tjera”.

“Me shpalljen e 22 nëntorit si Dita e Alfabetit shqip dhe kremtimin e kësaj feste të rëndësishme për komunitetin shqiptar si pjesë përbërëse e thesarit gjuhësor dhe kulturor të Maqedonisë së Veriut, konfirmojmë se gjuha dhe shkronja janë ura për unde duke qëndruar mes traditave, kulturave dhe trashëgimisë shpirtërore”, ka shkruar Zaev.

Ai tha se më këtë thirren vlerat tona maqedonase, që njëkohësisht janë evropiane dhe me të cilat po ecim në rrugën e integrimit në Bashkimin Evropian.

“Kremtimi i vlerave kulturore, ngjarjeve dhe traditave të të gjitha bashkësive etnike, përfshirë atë shqiptare, është në thelb, në thelb të shoqërisë sonë multikulturore. Është kontribut i fuqishëm për një të ardhme prosperuese dhe mirëqenie të të gjithë qytetarëve”.

“Angazhimi ynë është të ndërtojmë dhe ushqejmë një shoqëri në mënyrë të barabartë për të gjithë dhe të ndërtojmë një shoqëri civile duke respektuar dallimet etnike, kombëtare, fetare dhe kulturore. Ky është unifikimi dhe thelbi i komunitetit tonë që është ndërtuar me shekuj dhe përfaqëson një angazhim për të ardhmen tonë të përbashkët.Ju uroj festën – ditën e alfabetit shqip të gjithë pjestarëve të komunitetit shqiptar dhe të gjithë qytetarëve”, ka shkruar Zaev.

Tutje, përmes shkrimit të tij ai bëri thirrje që të festojmë dhe nderojmë diversitetin etnik dhe gjuhësor të shoqërisë sonë si prioritetin tonë.