Kryeministri i Kosovës, Albin Kurti do të mbajë sot konferencë për media me fillim në ora 12:00.
Në njoftimin e zyrës së kryeministrit nuk është bërë e ditur se cila është arsyeja e thirrjes së kësaj konference, shkruan FrontOnline
“Kryeministri i Republikës së KOsovës, Albin Kurti mban konferencë për media”, thuhet në njoftimin e zyrës së kryeministrit.
Por, FrontOnline merr vesh sipas burimeve se Kurti në këtë konferencë do ta prezantojë ministrin e ri të Shëndetësisë.
Ditë më parë kryeministri Kurti në një intervistë ka thënë se emërimi i ministrit të ri të Shëndetësisë është çështje ditës, duke shtuar se nuk do të jetë nga Lëvizja Vetëvendosje.
“Është çështje ditësh kur unë do ta emërojë ministrin e ri të Shëndetësisë. Nuk do të jetë nga Lëvizja Vetëvendosje, do të jetë nga shëndetësia”, ka thënë ndër të tjera Kurti.
Ministria e Shëndetësisë është me ushtrues detyre që nga një tetori, pasi ministri i Shëndetësisë Arben Vitia në këtë datë dha dorëheqje pasi kandidoi për t’u zgjedhur kryetar i Prishtinës.
Ushtruese detyre e minsitres së Shëndetësisë është, Dafina Gexha-Bunjaku./FrontOnline