Kryeministri Albin Kurti ka marrë pjesë në aktivitetin e organizuar “Handikos” dhe “The Ballkan Forum” në kuadër të fushatës “Thuaju jo qeseve të plastikes”, raporton Front Online.

Kryeministri Kurti tha se synojnë që të eliminojnë qeset dhe plastikën.

Ai tha se iniciativa është shumë e mirë dhe premtoi se shpejt do të krijohet një grup punues që marrin pjese shoqëria civile dhe bizneset që ta bëhet një paketë për mbrojtjen e ambientit, por edhe situatën në të cilën ndodhet Kosova sot.

“Jam I bindur që Kosova, shteti ynë si shtëpia e popullit tonë duhet ta ketë një dysheme të fortë sociale, pra edhe duhet të kujdesemi për ata të cilët janë më të varfër, më të dobët, të sëmurë apo me nevoja të veçanta, por edhe burimet natyrore janë të  fundme dhe ato janë mjedis jetësorë. Prandaj kjo iniciativë është shumë e mirë dhe kemi nevojë për përgjegjësi institucionale dhe duhet ta krijojmë një grup punues që marrin pjese shoqëria civile dhe bizneset që ta bëjmë një paketë për mbrojtjen e ambientit, por edhe situatën në të cilën ndodhet Kosova sot. Duhet ta synojmë eleminimin e plastikës dhe të qeseve mbase marketet e mëdha e bëjnë më shpejtë se sa shitësit e vegjël, por kur e kemi vullnetin do të mund ta fillojmë një program të tillë”, u shpreh ai.

Drejtori i “Handikos”, Afrim Maliqi tha se Kampanja për qëllim ka mbrojtjen e mjedisit përmes përdorimit të strajcave.

Ai ka sqaruar se në të njëjtën kohë po promovohet puna e 10 personave me nevoja të veçanta.

“Ne sot po fillojmë me eliminimin e qeseve apo plastikës me qëllimin kryesor vetëdijesimin e popullatës dhe qytetarëve në Kosovë dhe në mborjtje të mabientit por edhe ndikimin financiar te të gjithë qytetarët gjithsesi edhe te mbështetja e personave me aftësi të kufizuar, pasi që vet i kanë punuar”, tha ai.

https://www.facebook.com/FrontOnlineMedia/videos/474950580506573