Sikurse më herët, edhe këtë edicion, ka dyshime të mëdha për trukimin e ndeshjeve të fundit, gjë e cila dënohet rëndë me ligjet e Republikës së Kosovës, raporton FrontOnline.

Nga rangjet më të ulta të futbollit të Kosovës e deri në Superligë, dyshime ka pasur, ka dhe vazhdon të ketë.

Madje, tashmë Prokuroria e Shtetit është duke e hetuar një aferë të tillë.

Prokuroria në fjalë tashmë ka marrë informata për disa ndeshje të dyshimta, derisa për këtë është informuar edhe UEFA.

Këtë lajm për FrontOnline e ka konfirmuar edhe sekretari i përgjithshëm i Federatës së Futbollit e Kosovës, Eroll Salihu.

Salihu tha se këtyre rasteve do t’ju shkojnë “deri në fund.

“Ne jemi të informuar për çdo rast, por edhe UEFA. E kemi personin për integritet që merret me prokurorin në fjalë”, ka deklaruar të mërkurën ErollL Salihu.

“Për fat të keq ka këso raste, por ne do t’ju shkojmë deri në fund”, tregoi ai për FrontOnline.

Ndryshe, dyshime për trukimin e ndeshjeve, përveç Kosovës, ka edhe në rajon, veçanarisht në Serbi, ku për këtë rast është angazhuar edhe organizata e famshme e policisë, INTERPOL./FrontOnline/