Pas arritjes së kontigjentit të parë të vaksinave në Kosovë, përveç mantelbardhëve  po vaksinohen edhe personat mbi moshen 85 vjeçare.

Ministria e Shëndetësisë  ka njoftuar se nesër do të vazhdojë me vaksinimin e të moshuarve të vendosur në shtëpitë e kujdesit për të moshuar dhe punëtorët socialë që kujdesen për ta.

“Komiteti për vaksinim kundër COVID-19 njofton se gjatë ditës së nesërme, e mërkurë, 14 prill 2021 procesi i vaksinimit kundër COVID-19 do të vazhdojë me vaksinimin e të moshuarve të vendosur në shtëpitë e kujdesit për të moshuar dhe punëtorët socialë që kujdesen për ta, në komunat ku ka Qendra të këtilla: Prishtinë, Suharekë, Skënderaj, Istog dhe Graçanicë.

Gjithashtu, gjatë ditës së nesërme (14 prill 2021), do të vaksinohen edhe pacientët në dializë, ata të Komunës së Prishtinës në qendrën “1 Tetori”, kurse të tjerët, secili në njësinë e vaksinimit të QKMF-së në komunën ku jeton”, thuhet ndër të tjera në njoftimin e MSH./FrontOnline/

Njoftimi i plotë:

https://www.facebook.com/Ministria.Shendetesise.RKS/posts/1965538506937060