Tenisti i famshëm zviceran, Roger Federer zotëron një pronë prej 1.6 hektarësh në brigjet e Liqenit të Cyrihut dhe ai tashmë ka nisur të ndërtojë një vilë madhështore në të.

Sidoqoftë, punimet janë ndalur pasi popullata vendore dhe organizata të shumta mjedisore pretendojnë se liqeni i bukur kërcënohet nga ndotja, shkruan FrontOnline.

“Bregu i Artë”, siç quhen brigjet e këtij liqeni, për shkak të atraktivitetit dhe bukurisë së tij, ka tërhoqur vëmendjen e shumë njerëzve të famshëm.

Kjo ka shkaktuar një revoltë te banorët, të cilët janë të shqetësuar.

Organizata “Aqua Viva” ka ngritur zërin pasi u përcaktua se toka e Federerit është e ndotur me mbeturina ndërtimore.

Për të vazhduar me punime, Federeri duhet të tregojë se si do të duket bregdeti kur të përfundojë objekti dhe ambientalistët do të marrin pjesë në miratimin e projektit të korigjuar nga tenisti.

Federer ka paguar 45 milionë euro për atë pronë dhe planifikon të ndërtojë një kompleks të madh banesash me një fushë të madhe tenisi në të./FrontOnline/