Kryetari i partisë Aleanca e Ardhmërisë së Kosovës, Ramush Haradinaj, ka folur për veprimin e deputetes së kësaj partie, Albena Reshitaj e cila kundër vendimit të partisë së saj, dhe ka marrë pjesë në seancën ku u votua për presidentin e vendit, shkruan Front Online.
Haradinaj thotë se veprimi i Reshitajt është i gabueshëm dhe se veprimi i saj nuk i ka bërë nder askujt, e as VV-së.
“E ka diskutuar në disa raste këtë situatë, arsyetimin që u dha edhe këtë. Kur një deptuet si Reshitaj ka këtë shpjegim, ia pamundëson AAK-së, me ndihmu procesin. Kur një deputet merr vendime individuale për motive e vërteta po qarkullon. Çdo deputet ka qenë subjekt i ofertës. Reshitaj mund të mohon, ta pohon ose aprovon që ka pasur ndoshta joshje edhe kjo, nuk e di a e pranon. Ky është gabim i Reshitajt, i ka lënë kolegët e tjerë edhe partinë pa rolin e duhur në këtë proces”, tha Haradinaj.
Haradinaj ka folur edhe sa i përket lajmeve se Reshitaj u përjashtua nga AAK-ja.
“Jo, nuk kemi mbajt në ndonjë takim të çfarëdo natyre lidhur me këtë”, tha Haradinaj në Rubikon.
Kujtojmë se AAK-ja, nuk mori pjesë në seancën për votim për zgjedhjen e presidentit. Por, depuetetja e kësaj partie, Albena Reshitaj ka dalë kundër vendimit të partisë së saj, duke marrë pjesë në seancën ku u votua për presidentin e vendit.
