Rritja e rasteve të të infektuarve me Covid-19 ka bërë që shumë shkolla fillore dhe të mesme të kalojnë në mësim online, raporton Front Online.
Drejtoresha e Arsimit në Komunën e Prishtinës, Shpresa Gashi, ka thënë për Front Online se gjashtë shkolla kanë kaluar në mësim online dhe se situata me Covid është shumë e rënduar.
“Për momentin i kemi 6 shkolla që kanë shku online, bahet fjalë për shkollat e mesme, shkolla ‘Gjin Gazulli’ dhe ‘Abdyl Frashëri’, shkolla e Bujqësisë. Shkollën fillore e kemi ‘Xhemail Mustafën’, sot vec është mbyllur niveli i 6-9, për shkak te 5 mësimdhënësve janë dalë pozitiv, kemi shkollën ‘Zenel Hajdini’, kemi shkollën ‘Naim Frashëri’, dhe Fan Noli, dmth për momentin janë 6 shkolla të mbyllura”, tha ajo për Front Online.
Shala për Front Online tregoi se numri i të infektuarve në të gjitha shkollat ka arritur në 301.
“Janë 240 nxënës, 16 janë personel, duke përfshirë edhe rastet sot pas rezultateve të Institutit Kombëtar të Shëndetësisë, që i bie 18 personel, dhe mësimdhënës 45”, u shpreh tutje ajo për Front Online.
Edhe në çerdhe situata është rënduar.
Shala tha se duhet të ketë masa kufizuese edhe në hapësirat publike.
“Kjo është kompetencë e Ministrisë së Shëndetësisë dhe Institutit Kombëtar të Shëndetit Publik, mirëpo nëse vendoset për ndonjë masë, atëherë duhet të merret masa në nivel të vendit, dmth jo vetëm për shkolla por komplet për qytetarët e Republikës së Kosovës”, tha ajo për Front Online.
Vetëm dje u raportuan 827 raste të reja, dhe 16 raste të vdekjes.