Një person ka vdekur pas një aksidenti mes katër veturave që ka ndodhur mbrëmë në Pejë.

Lajmin e ka bërë të ditur Policia e Kosovës në raportin 24-orësh.

Në njoftim thuhet se në aksident janë përfshirë katër vetura, dy në lëvizje dhe dy të parkuara.

“Pejë 06.02.2021-23:00. Raportohet për aksident trafiku në mes të katër automjeteve, dy në lëvizje dhe dy të parkuara, dyshohet se i dyshuari mashkull kosovar nga pakujdesia ka goditë veturën e viktimës mashkull kosovar. Përpos dëmeve materiale viktima ka pësuar lëndime të rënda trupore dhe ishte dërguar pa shenja jete në emergjencë. Vdekjen e viktimës e ka konstatuar mjeku kujdestar. Me vendim të prokurorit trupi i pa jetë dërgohet në obduksion ndërsa i dyshuari është arrestuar dhe është dërguar në mbajtje”, thuhet në njoftim.