Dhjetëra aksidente në trafik po shkaktohen për çdo ditë në Kosovë.

Vetëm gjatë ditës së djeshme në vend janë shkaktuar 74 aksidente në trafik.

18 aksidente kanë qenë me të lënduar ndërsa 56 me dëme materiale.

Gjatë kësaj kohe Policia e Kosovës ka shqiptuar 856 gjoba për ata që nuk kanë respektuar rregullat në trafik.

Përndryshe, policia ka apeluar te qytetarët që të kenë kujdes gjatë vozitjes për shkak të motit që po mbizotëron gjatë këtyre ditëve, e sidomos për shkak të mjegullës.

Ndërsa, shkaktarët e aksidenteve në trafik janë vlerësuar të jenë shpejtësia e madhe, vozitja nën ndikimin e alkoolit, mosrespektimi i shenjave në trafik e përdorimi i telefonit gjatë vozitjes./FrontOnline/