Oda e Infermierëve, Mamive dhe profesionistëve tjerë shëndetësorë, dënon ashpër sulmin që ka ndodhur ndaj infermierëve të Shërbimit të Urgjencës në Prizren , më 19.12.2020 rreth orës 22:10, derisa ata ishin në detyrë, në vendin e tyre të punës.
OIK kërkon nga organet e rendit dhe drejtësisë që të ndërmarrin gjitha veprimet ligjore ndaj sulmuesve të cilët po tregohen të dhunshëm ndaj stafit shëndetësor.
Sulme si këto, ndikojnë direkt në mbarëvajtjen e shërbimeve shëndetësore, derisa janë stafi shëndetësor ata që duke rrezikuar shëndetin e tyre dhe familjarëve të tyre po japin maksimumin, për t’iu dalë në ndihmë pacientëve në kohë pandemie.