Ehat Miftaraj nga KDI e ka vlerësuar si shembull për t’u ndjekur dorëheqjet e njëpasnjëshme nëpër degët e PDK’së në Podujevë, pak orë pasi e deklaroi dorëheqjen ish-kandidati për kryetar të Komunës së Podujevës, Nexhmi Rudari.

Miftaraj ka thënë se veprime të këtilla duhet ndjekur nga politikanët e nivelit qendror dhe atij lokal, teksa ka thënë se një politikan nuk duhet të qëndrojë më gjatë se dhjetë vite edhe pas disfatave politike.

“Është shembull që duhet ndjekur nga të gjithë politikanët në nivel qendror dhe atë lokal.  Nëse nuk i fiton zgjedhjet, duhet me pas kulturë politike dhe me iu hap rrugë të tjerëve në parti që me vizionin apo angazhimin e tyre me ba ndryshime në mënyrë që partia e caktuar të ketë mundësi të fitoj”, ka deklaruar ai.

Njoftimi i plotë i tij:

Dorëheqja e Kryetarit të PDK në Podujevë dhe disa anëtarëve të kësaj partie në këtë komunë pas humbjeve në zgjedhjet e fundit dhe në zgjedhjet paraprake duhet shikuar si emancipim politik dhe llogaridhënie në raport me partinë dhe votuesit e kësaj partie në Podujevë.

Është shembull që duhet ndjekur nga të gjithë politikanët në nivel qendror dhe atë lokal.  Nëse nuk i fiton zgjedhjet, duhet me pas kulturë politike dhe me iu hap rrugë të tjerëve në parti që me vizionin apo angazhimin e tyre me ba ndryshime në mënyrë që partia e caktuar të ketë mundësi të fitoj.

Është e pakuptimtë që një lider i partisë politike apo të njëjtit kandidat nëpër komuna të humbin radhas zgjedhjet për 10 vjet e më shumë dhe prapë të mbesin si zgjedhja e parë për zgjedhjet e ardhshme.