Norma enorme të interesit edhe më tutje vazhdojnë të aplikojnë Institucionet Mikrofinanciare që operojnë në vendin tonë.

Të lodhur nga varfëria dhe pa mundësia për të marrë kredi nëpër institucione bankare, një numër i madh i qytetareve detyrohen të marrin kredi nëpër Institucione Mikrofinanciare, ndonëse norma e interesit që ato aplikojnë është më e larta se sa ato që aplikojnë fajdexhinjtë, raporton Front Online.

Në çmimorën e publikuar në ueb faqen e Agjencisë për Financimin e Kosovës (AFK) thuhet se për 5000 deri në 10000 euro kredi për renovim në afat kthimi prej 2 deri në 36 muaj norma efektive e interesit është 28,72 % deri më 31,29 %.

Po ashtu, sipas cmimores se publikuar normë e tille interesi deri në 31,29 % aplikohet edhe për  kredi për nevoja familjare.

Gjithashtu për të marrë kredi për biznes në këtë Institucion Mikrofinanciar norma e interesit që këta aplikojnë është 18,39 % deri më 28,07 % / Front Online