×
  • Lajme
  • Lajme

    Ministria e Financave reagon pas deklaratës së Shpend Ahmetit, që shteti i Kosovës ka më shumë se një miliard euro në Bankën Qendrore

    FrontOnline
    18 Nëntor 2020

    Ministria e Financave ka reaguar pas deklaratës së kryetarit të Komunës së Prishtinës, Shpend Ahmeti, i cili ka thënë se Republika e Kosovës ka mbi një miliard euro në Bankën Qendrore.

    Ministria e Financave thotë se bilanci bankar përfaqëson Fondin e Republikës se Kosovës dhe mbahet në Bankën Qendrore.

    “Ky bilanc paraqet fondet që janë grumbulluar ndër vite dhe të cilat duhet të sigurojnë likuiditetin e nevojshëm për të financuar aktivitetet e buxhetit të Republikës së Kosovës në vitet në vijim, duke përfshirë edhe pagesat e borxhit ndërkombëtar.

    Lartësia e bilancit bankar (kufiri) përcaktohet me legjislacionin në fuqi për financat publike (rregull fiskale) dhe gjithashtu në Ligjin Vjetor të Buxhetit. Konfirmojmë që në vazhdimësi, pra çdo vit, është arritur të respektohet plotësisht rregulla fiskale e bilancit bankar, përkatësisht të sigurohet shuma e fondeve nëpërmes inkasimit të të hyrave dhe financimeve nga huazimet sipas obligimit të legjislacionit”, thuhet në reagim.

    Më tej, Ministria e Financave ka njoftuar se sa është bilanci në Thesarin e Shtetit.

    “Sipas të dhënave zyrtare (preliminare) të Thesarit për datën 17.11.2020, që bazohen në gjendjen e llogarive në BQK, bilanci bruto bankar është 459.77 milionë euro, i cili përmban mjete (rreth 134 milionë) të cilat përcaktohen si detyrime dhe nuk janë fonde të Qeverisë, por menaxhohen nga ajo, këto fonde janë: të hyrat vetanake të komunave, të hyrat e dedikuara, fondet në mirëbesim, mjetet nga huamarrja, grantet dhe donacionet, etj., të cilat bëjnë që bilanci bankar i shfrytëzueshëm (neto) i Qeverisë të jetë 325.67 milionë euro. Sipas rregullës fiskale, pragu minimal i bilancit neto (limiti i poshtëm) për vitin 2020 që duhet të mbahet (të mos shpenzohet) nga Qeveria e Kosovës është 213 milionë.

    Pra, në momentin që po e bëjmë këtë sqarim, janë 112.66 milionë Euro (325.66 bilanci neto – 213 minimumi i lejuar sipas rregullës fiskale) që mund të përdoren për shpenzime buxhetore. Pra, kjo shumë përfaqëson mjetet të cilat janë në dispozicion për shpenzim (bilanci i shfrytëzueshëm) dhe shpenzohen në pajtim me ndarjet buxhetore në Ligjin e Buxhetit të miratuar nga Kuvendi i Republikës së Kosovës”, vijon reagimi.

    Më tej, MF thekson se “gjendja e bilancit bankar bruto dhe atij të shfrytëzueshëm raportohet në baza ditore nga Thesari i Republikës së Kosovës, një kopje e të cilit i shkon edhe Fondit Monetar Ndërkombëtar dhe Bankës Botërore.

    “ Po ashtu, këto të dhëna prezantohet në raportet tremujore financiare të cilat publikohen në faqen e Ministrisë së Financave, kurse në mënyrë të zgjeruar shpalosen në pasqyrat vjetore financiare të Buxhetit të Republikës së Kosovës, të cilat i nënshtrohen auditimit vjetor dhe për të cilat asnjëherë nuk ka pasur vërejtje”.

    Ndryshe, gjatë ditës së sotme kryetari i Komunës së Prishtinës, Shpend Ahmeti ka thënë se Republika e Kosovës i ka në Bankën Qendrore më shumë së një miliard euro dhe se tani është koha për kreativitet e shpenzim.

    Nga Rubrika
    Lajme12 Korrik 2025
    Ka përfunduar protesta paqësorë për 27 vjeçarin Agon Zejnullahu, i cili vdiq në rrethana të dyshimta në Lipjan. Në këtë protestë morën...
    Lajme12 Korrik 2025
    Deputetja e PDK-së, Blerta Deliu-Kodra thotë se moskonstituimi i Kuvendit, përveq faktit se ka lënë pa buxhet disa komuna, ka bllokuar tërësisht...
    Lajme12 Korrik 2025
    Para stacionit policor në Lipjan u zhvillua sot protestë për Agon Zejnullahun, 27-vjeçari që vdiq në orët e para të 7 korrikut....
    Të tjera
    Lajme12 Korrik 2025
    Presidentja e Kosovës gjatë vizitës së saj zyrtare në SHBA ka takuar edhe Ambasadoren e SHBA-së në Kombet e Bashkuara, Dorothy Camille...
    Bota/Rajoni12 Korrik 2025
    Departamenti Amerikan i Shtetit filloi të premten shkarkimin e mbi 1300 punonjësve, si pjesë e fushatës së presidentit amerikan, Donald Trump për...
    Lajme12 Korrik 2025
    Drejtori i Odës Ekonomike Amerikane në Kosovë (OEAK), Arian Zeka, zgjerimin e aktiviteteve të kompanive kosovare në tregjet e rajonit, e sheh...
    Lajme12 Korrik 2025
    Dje, në përvjetorin e 30-të të gjenocidit në Srebrenicë, nën përkujdesjen e organizatës kulturore “Sarski Behar”, u mbajt në Prizren “Marshi i...
    Lajme12 Korrik 2025
    Presidentja Vjosa Osmani mori një pyetje mbi bllokadën aktuale në Parlamentin e Kosovës gjatë një diskutimi në Institutin Hudson në SHBA pas...
    Lajme12 Korrik 2025
    Gjatë 24 orëve në gjithë territorin e Kosovës janë shqiptuar afro 3 mijë tiketa. Policia e Kosovës njofton se shqiptoi saktësisht 2724...
    -->

    FrontOnline, © 2025 Të gjitha të drejtat e rezervuara.