Rritja e numrit të të prekurve me COVID-19 anembanë vendit bëri që institucionet përgjegjëse të ndërmarrin masa nga më të ndryshmet, në mënyrë që të parandalohet përhapja edhe më e madhe e tij.
Kësisoj që nga dita e premte hyn në fuqi vendimet e reja, ku bëhet edhe ndarja e komunave me rrezikshmëri të ulët dhe të lartë të COVID-19. Në komunën e Prishtinës si dhe në disa qytete të tjera u vendos edhe ora policore, duke filluar nga ora 19:00 deri në ora 05:00 të mëngjesit.
Tani kur veçse ka shënuar ora 19:00 shumë rrugë të Prishtinës thuajse janë bllokuar nga kolona.
Kjo gjë mund të vërehet qartë edhe në disa pamje të realizuara pak më parë në kryeqytet.
Padyshim se ngutia e qytetarëve që të mos i zë ora policore vetëm sa po shkakton edhe më tepër bllokim të komunikacion thuajse në çdo anë.
Pamje të ngjashme të kolonave po shihen çdo mbrëmje edhe në rrugët dalëse të Prishtinës, por edhe në qendër të saj.
