×
  • Bota/Rajoni
  • Bota/Rajoni

    Masa shtesë antiCovid në Shqipëri, ndalohen dasmat e tubimet

    FrontOnline
    17 Nëntor 2020

    Komiteti i Ekspertëve të Shqipërisë ka vendosur që të merren masa shtesë për të parandaluar përhapjen e COVID-19.

    Profesoreshë Albana Fiço, anëtare e Komitetit Teknik të Ekspertëve të Shqipërisë në një deklaratë për mediat tha se “pas masave me intensitet të moderuar, me kufizimin e lëvizjes pas orës 22:00 dhe kufizimit të aktivitetit të bareve dhe restoranteve pas orës 22 të darkës, nisur nga vlerësimi në dinamikë i situatës, Komiteti Teknik i Ekspertëve ka vlerësuar se është e nevojshme të ketë masa shtesë të intensitetit mesatar për të frenuar përhapjen e infeksionit”.

    “Pasi kemi analizuar situatën dhe risqet, ecurinë e epidemisë në vend dhe përgjigjen e qytetarëve ndaj masave të ndërmarra dhe kemi vendosur të ndalohen grumbullimet me më shumë se 10 persona në vende të hapura dhe të mbyllura, të ndalohen mbledhjet partiake dhe tubime, si dhe konferencat, ceremonitë e festave, ceremonitë martesore dhe organizimet përtej familjes të ceremonive mortore, deri në një urdhër të dytë”, theksoi Fiço.

    Sipas saj, Komiteti Teknik i Ekspertëve po monitoron me vëmendje situatën e COVID-19 dhe ecurinë e epidemisë në vend ndërsa vijon puna për testimin, gjurmimin dhe izolimin e rasteve të dyshuara dhe kontakteve të tyre.

    “Ashtu siç kemi bërë me dije çdo ditë në raportimin ditor, situata mbetet e kontrolluar, por në një nivel risku të shtuar për arsye të rritjes së rasteve pozitive ditore, shprehur qartë me një rritje të incidencës 14 ditore në 243 raste për 100 mijë banorë. Numri total i rasteve aktive ka pësuar rritje në 504 për 100 mijë banorë. Numri i pacientëve në spitale ka pësuar rritje krahasuar një javë më parë”, tha Fico.

    Fico u shpreh se “në tre spitalet COVID janë shtruar 406 pacientë. Aktualisht rreth 20-25% e kapaciteteve janë ende të lira në katër strukturat e dedikuara për trajtimin e rasteve, ndërkohë që skenarët e përfshirjes së spitaleve rajonale janë gati në momentin që do ketë ezaurim të katër spitaleve COVID. Terapitë intensive kanë një numër të qëndrueshëm të pacientëve në kujdes intensiv. Përqindja e humbjes së jetëve në raport me numrin e të prekurve është 2,2%”.

    Fico u bëri apel qytetarëve për të zbatuar rregullat e vendosura.

    “Vendoseni maskën, ruani higjienën, mbani distancë nga të tjerët që nuk janë familjarët tuaj dhe kufizoni kontaktet sa më shumë. Secili prej nesh e ka në dorë të frenojë përhapjen e epidemisë. Vetëm me bashkëpunim qytetarë-autoritete, mund të kufizohet përhapja e koronavirusit. Respektoni rregullat, kontribuoni për kufizimin e përhapjes së COVID-19, për të ulur mbingarkesën në spitale, për të ruajtur shëndetin tuaj dhe të familjeve tuaja”, – tha Fico./ATSH/

    Nga Rubrika
    Bota/Rajoni22 Korrik 2025
    Ministri i Jashtëm i Turqisë, Hakan Fidan, ka dërguar paralajmërim të drejtpërdrejtë për Izraelin, duke thënë se Ankara do të ndërhyjë nëse...
    Bota/Rajoni22 Korrik 2025
    Britania e Madhe bëhet vendi i parë në botë që vendos sanksione ndaj të gjithë individëve që nxisin dhe ndihmojnë migracionin e...
    Bota/Rajoni22 Korrik 2025
    Nga të dhënat e raportuara në Qendrën Kombëtare Operacionale të Emergjencave Civile, deri në orën 14:00 janë raportuar 13 zjarre, nga të...
    Të tjera
    Lajme22 Korrik 2025
    Kryetari i Skenderajt, Fadil Nura, ka njoftuar se është anuluar “Mërgata Fest”, pas vdekjes së papritur të Robert Veliut, ish-basketbollistit. Ai ka...
    Lajme22 Korrik 2025
    Pal Lekaj nga Aleanca për Ardhmërinë e Kosovës tha se kryeministri në detyrë, Albin Kurti nuk duhet të merret seriozisht. Sipas Lekajt,...
    Sport22 Korrik 2025
    Më pak se një muaj nga aksidentit tragjik që i mori jetën sulmuesit të Liverpool-it, Diogo Jota, bashkëshortja e tij Rute Cardoso...
    Lajme22 Korrik 2025
    Zotëriu i Parë, Prindon Sadriu ka reaguar pas kërkesës që Presidentja Vjosa Osmani i ka dërguar Gjykatës Kushtetuese për sqarim mbi pasojat...
    Lajme22 Korrik 2025
    Kjo është kërkesa që presidentja e Kosovës Vjosa Osmani, ia ka dërguar Gjykatës Kushtetuese “për vlerësimin e konfliktit në mes të kompetencave...
    Lajme22 Korrik 2025
    Një person ka ndërruar jetë në vendin e punës në një objekt banesor në Skenderaj. Bëhet fjalë për një punëtor të kompanisë...
    -->

    FrontOnline, © 2025 Të gjitha të drejtat e rezervuara.