Kosova pret që marrëdhëniet e saj me Shtetet e Bashkuara të Amerikës të përmirësohen me zgjedhjen e Joe Biden president, pasi dekada e mbështetjes kryesore amerikane u hodh në dyshim nën administratën Trump, kështu thotë presidentja në detyrë Vjosa Osmani.

Osmani në një intervistë dhënë për Financial Times ka thënë se Biden nuk është vetëm një mik i Kosovë por edhe se ai e di vuajtjet nëpër të cilat kaloi vendi.

“Të gjithë e dinë se presidenti i zgjedhur Biden nuk është mik i zakonshëm i Kosovës. Ai i di vuajtjet tona shumë mirë”, është shprehur Osmani.

Presidentja në detyrë njëherit edhe kryetare e Kuvendit të Kosovës është shprehur edhe se Biden e di të vërtetën për rastin e Kosovës dhe se Serbia ka kryer krime lufte kundër njerëzimit në Kosovë.

“Joe Biden e di të vërtetën, dhe e vërteta është shumë e thjeshtë dhe e thjeshtë. Serbia e humbi Kosovën sepse abuzoi me parimin e sovranitetit dhe integritetit territorial për të vrarë njerëzit që jetuan në atë territor, për të kryer gjenocid në tentativë, krime lufte dhe krime kundër njerëzimit. Ai e di të vërtetën dhe nuk do të përpiqet të ndryshojë të vërtetën”, tha Osmani.

Osmani gjatë intervistë ka folur edhe për marrëveshjet e 4 shtatorit në Shtëpinë e Bardhë. Për të cilat marrëveshje ajo tha se nuk duhet të fillohet të implementohen meqë duhet parë njëherit qëndrimet e administratës së re në pikat e marrëveshjes së 4 shtatori me Kosovës dhe Serbisë.

“Ne nuk mund të lëvizim vetëm përpara. . . pa shikuar se cili është pozicioni i administratës së re në ato pika”, tha Osmani.