×
  • Lajme
  • Lajme

    Rreth 3 mijë persona u liruan nga shtetësia e Kosovës brenda këtij viti, mbi 1 mijë të tjerë kërkuan azil në Kosovë

    FrontOnline
    16 Nëntor 2020

    Përgjatë çdo viti shumë qytetarë zgjedhin që të bëhen shtetas të Kosovës, duke ndjekur disa procedura të cilat shpesh herë dinë të jenë edhe të mundimshme.

    Por ka edhe prej atyre të cilët për arsye të shumta heqin dorë nga shtetësia kosovare.

    Gjatë vitit që po lëmë pas, apo saktësisht përgjatë 10 muajve të vitit 2020, janë gjithsej 139 persona të cilët kanë fituar shtetësinë e Kosovës.

    Kjo gjë është bërë e ditur në përgjigjen e Ministrisë së Punëve të Brendshme dhënë për Lajmi.net.

    Por për dallim nga numri i vogël që kanë përfituar shtetësinë, shumë më i madh është numri i atyre që janë liruar nga kjo shtetësi.

    Përgjatë 10 muajve afro 3 mijë persona janë liruar nga shtetësia e Kosovës.

    “Gjatë periudhës 01.01.2020-31.10.2020 kanë fituar shtetësinë e Republikës së Kosovës 139 persona.Gjatë periudhës 01.01.2020-31.10.2020 janë liruar nga shtetësia e Kosovës 2995 persona”, thuhet në përgjigjen e MPB-së.

    Por të gjithë ata që duan të qëndrojnë në Kosovë, për arsye të ndryshme të ngjashme me punësim apo të tjera, duhet të pajisen me lejeqëndrim.

    Nga janari i këtij viti nga Ministria e Punëve të Brendshme janë lëshuar gjithsej 2 mijë e 642 lejeqëndrimi për të gjitha kategoritë, duke përfshirë lejet për herë të parë dhe vazhdimin e atyre ekzistuese.

    “Leja e përkohshme lëshohet për 12 muaj. Mirëpo varësisht nga dokumentacioni që pala paraqet, leja mund t’i lëshohet edhe për një afat më të shkurtër kohor sipas legjislacionit në fuqi”, u tha tutje nga Ministria e Punëve të Brendshme.

    Përpos atyre që përfituan shtetësinë dhe hoqën dorë nga ajo, është edhe një numër i madh i atyre që kërkuan azil në Kosovë.

    Brenda periudhës 11 mujorëshe të këtij viti azil në shtetin e Kosovës kërkuan 1 mijë e 238 persona.

    “Gjatë periudhës 01.01.2020-09.11.2020 azil kanë kërkuar 1238 persona”.

    Por pavarësisht gjithë kësaj, sipas të dhënave të mëhershme nga MPB, ishte bërë e ditur se që nga viti 2009 deri në vitin 2018, mbi 40 mijë shtetas të Republikës së Kosovës kanë hequr dorë nga shtetësia e Kosovës. Mesatarisht në vit, nga nënshtetësia e Kosovës janë liruar më shumë se 5 mijë qytetarë.

    Bazuar në një raport të Agjencisë së Statistikave të Kosovës, llogaritet të jenë deri në 800 mijë qytetarë të Kosovës të cilët jetojnë në vende të ndryshme të botës, por në regjistrimin e diasporës, proces i nisur nga autoritetet e Kosovës vite më parë, ishin të regjistruar vetëm rreth 400 mijë qytetarë

    Nga Rubrika
    Lajme13 Korrik 2025
    Nënkryetarja e PDK-së, Vlora Çitaku tha se edhe sot deputetët u mblodhën në Kuvend për skenarin e njëjtit të partisë së parë....
    Lajme13 Korrik 2025
    Mërgimtarët veçse ia kanë mësyrë Kosovës, e kështu po krijohen edhe pritje në pikat kufitare të vendit. Sipas të dhënave të Qendrës...
    Lajme13 Korrik 2025
    Gjatë javës së ardhshme, bazuar në të dhënat e Institutit Hidrometeorologjik të Kosovës, moti do të paraqitet i ndryshueshëm, me një fillim...
    Të tjera
    Lajme13 Korrik 2025
    Deputetja e betuar e PDK-së, Blerta Deliu-Kodra ka thënë se Radio Televizioni i Kosovës po censuron deputetët e ish-opozitës. Ajo thotë se...
    Lajme13 Korrik 2025
    Lideri i Partisë Demokratike të Kosovës, Memli Krasniqi, do mbajë takim me zyrtarin e lartë të Shteteve të Bashkuara të Amerikës, Brendan...
    Lajme13 Korrik 2025
    Ka vdekur ish-ushtari i Ushtrisë Çlirimtare të Kosovës, Ismet Durmishi. Për vdekjen e tij ka shkruar nënkryetari i Skenderajt, Sami Lushtaku, i...
    Lajme13 Korrik 2025
    Deputeti nga radhët e Lidhjes Demokratike, Armend Zemaj nga foltorja e Kuvendit të Kosovës tha se 46 herë është ikur nga përgjegjësia...
    Lajme13 Korrik 2025
    Deputeti nga Komuniteti serb Nenad Rashiq, ka folur pas dështimit të seancës së 46-të konstituive. Ai u pyet nga gazetarët rreth deklarimit...
    Lajme13 Korrik 2025
    Fadil Demaku, deputeti i betuar i PDK-së nga salla plenare e Kuvendit të Kosovës ka akuzuar VV-në që nuk po mbajnë përgjegjësi...
    -->

    FrontOnline, © 2025 Të gjitha të drejtat e rezervuara.