Lidhjes Demokratike të Kosovës ( LDK) pritet që këtë javë t’i bashkohet edhe Partia Demokratike e Kosovës (PDK) në koalicionin qeverisës, raporton Front Online.
Burime të Front Online thonë se koalicionin do të finalizohet këtë javë derisa kanë treguar edhe pajtueshmërinë e kësaj partie për t’i kaluar projektligjet me interes për vendin.
Pozita e Presidentit pritet t’i takojë PDK-së derisa me këtë vendim nuk po pajtohet partneri tjetër i koalcionit, Aleanca për Ardhmërinë e Kosovës (AAK), e cila edhe si shkak i këtyre mospajtimeve mund të largohet nga koalicioni.
“ Po, me gjasë këtë të mërkurë pasdite do të finalizohet marrëveshja. PDK-ja do ta marr pozitën e Presidentit. AAK nuk po pajtohet me këtë vendim dhe me gjasë do të dal nga koalcioni qeverisës”, ka thënë ky burim për Front Online.
Edhe nga PDK-ja gjatë ditës nuk kanë përjashtuar mundësinë që kjo parti të hyjë në Qeveri.
Nënkryetari i kësaj partie, Shaqir Totaj, në një prononcim për Front Online ka thënë se PDK-ja nuk e ka më atë qëndrim që të mos hyjë në Qeveri për shkak të aktakuzave dhe procesit që po zhvillohet në Hagë.
“Këto janë dy opsione të cilat ne ende nuk kemi mundur të kemi një qëndrim të prerë, në takimin e fundit kemi diskutuar për këtë çështje, e kemi pasur një qëndrim më herët që nuk do të jemi në Qeveri, mirëpo tash veprimet e Gjykatës Speciale na kanë sjellë në një pozicion ku duhet me e rishiku atë qëndrim. Të mërkurën do të jemi në një takim të Kryesisë Qendrore të PDK-së, përveç tjerash kemi me bisedu edhe për këtë temë. Besoj që kemi me arritë me një përfundim të prerë dhe do të dimë saktësisht se çka do të bëjmë”, ka thënë Totaj për Front Online.