Numri i të vdekurve në gjithë Britaninë e Madhe si pasojë e koronavirusit të ri ka shkuar në mbi 50.000, me një rritje prej 595 viktimash gjatë 24 orëve.

Autoritetet shëndetësore raportuan 22.950 infeksione të tjera gjatë 24 orëve të fundit, duke e rritur numrin e rasteve gjatë shtatë ditëve në 157.669.

Vendi raportoi 2.623 vdekje gjatë një jave, 27 për qind më shumë se një javë më herët.

Midis 31 janarit dhe 11 nëntorit të këtij viti 2020, Britania ka regjistruar gjithsej 1.256.725 rezultate pozitive të konfirmuara të testeve, sipas të dhënave më të fundit.

Gjithsej 1.219 pacientë me koronavirus po trajtohen në spitale në respiratorë, kanë thënë zyrtarët.

Një karantinim kombëtar ka hyrë në fuqi në Angli tashmë prej një jave dhe pritet të përfundojë më 2 dhjetor, kur do të rishikohet./tch