BE ka filluar procedurat ligjore kundër Mbretërisë së Bashkuar pasi ajo refuzoi të heqë dorë nga planet për të anashkaluar pjesët e marrëveshjes së saj të divorcit Brexit, shkruan BBC, transmeton Front Online.

Një afat i BE-së për qeverinë për të hequr pjesët e Projekt-Ligjit të Tregut të Brendshëm skadoi të Mërkurën.

“Letra e njoftimit zyrtar” përfundimisht mund të çojë në një çështje gjyqësore kundër Mbretërisë së bashkuar në Gjykatën Evropiane të Drejtësisë.

Por BE nuk është larguar nga bisedimet mbi një marrëveshje tregtare me Brexitin.

Presidentja e Komisionit Evropian Ursula von der Leyen tha se Mbretërisë së bashkuar do të ketë kohë deri në fund të nëntorit për t’iu përgjigjur shqetësimeve të BE-së mbi projekt-legjislacionin.

Bisedimet tregtare MB-BE po vazhdojnë në Bruksel këtë javë. Kryeministri Boris Johnson ka thënë që të dy palët duhet të “lëvizin përpara” nëse një marrëveshje nuk arrihet deri nga mesi i tetorit.

Në një deklaratë të shkurtër, zonja von der Leyen tha se projektligji ishte një “kontradiktë e plotë” e angazhimeve të mëparshme të Mbretërisë së Bashkuar në lidhje me mënyrën se si duhet të shmanget një kufi i fortë në ishullin e Irlandës.

Ajo shtoi se projekt-ligji ishte “nga natyra e tij një shkelje e detyrimit të mirëbesimit” të përfshira në marrëveshjen e tërheqjes që nxori Mbretërinë e Bashkuar nga BE në janar.

Një zëdhënës i qeverisë së Mbretërisë së bashkuar tha se projektligji ishte një “rrjet sigurie” i domosdoshëm për të mbrojtur tregtinë midis pjesëve të ndryshme të MB.

Ata shtuan se qeveria do t’i përgjigjet letrës së BE-së “në kohën e duhur”.