Deputeti Fatmir Rexhepi tha se me votimin e buxhetit në Kuvend do të mund të realizohej edhe Pakoja Ekonomike ku shumë qytetarë janë në pritje të mjeteve pasi për muajin prill ende nuk janë alokuar.

Ai ka ftuar edhe njëherë opozitën që ta votojë buxhetin, ngase siç tha ai, qytetarët janë në pritej të mjeteve të cilat u janë premtuar për periudhën e pandemisë me Covid-19.

“Kemi të bëjmë me aktivitetet ekonomike, kryesisht me pakon e masave me rishikimin e buxhetit që sot e patëm në Komisionin për Buxhet ku patëm paraqitjen e ministres Bajrami nga ana e saj lidhur me të gjitha plotësimet dhe ndryshimet e domosdoshme që ka krijuar situata e jashtëzakonshme e rishikimit të buxhetit për vitit 2020”, ka thënë Rexhepi për Front Online.

Rexhepi ka kërkuar që të respektohen masat e reja të Qeverisë pasi me ulje të rasteve do të lehtësohen edhe rrethanat për të vepruar në ekonominë vendore.

Lajmi i plotë: https://frontonline.net/deputeti-i-ldk-se-te-votohet-rishikimi-i-buxhetit-qytetaret-jane-ne-pritje-te-170-eurove-te-premtuara/