Kryeministri i Kosovës, Avdullah Hoti, në emisionin Pressing të T7, ka folur për raportet e tij me kryetaren e Kuvendit të Kosovës, njëherësh edhe nënkryetaren e Lidhjes Demokratike të Kosovës, Vjosa Osmani.
Hoti tha se raportet në mes tij dhe Osmanit janë zyrtare.
“Raportet i kemi zyrtare ashtu edhe siç duhet të jenë, për shkak se ajo pati qëndrime të tjera për dallim nga partia e saj”, është shprehur Hoti.
Tutje, ai tha se sjellja e Osmanit është për keqardhje sepse, sipas Hotit, ajo nuk po i respekton vendimet e partisë.
“Është për keqardhje sjellja e saj sepse e ka dëmtuar procesin në formën e paraqitjes, sepse ai i ka prirë zgjedhjeve. Është për keqardhje se si një figurë e lartë në parti nuk i respekton vendimet e partisë”, ka thënë Hoti.
“Zonja Osmani ka devijuar nga kursi që mban LDK’ja”, shtoi Hoti.
