Italia njoftoi se do të rihapë dy aeroporte gjatë javës së ardhshme. Bëhet fjalë për aeroportin Ciampino në Romë dhe Peretolanë Firencë, të cilët janë mbyllur për shkak të pandemisë së koronavirusit që prej 13 marsit.

Aeroportet do të rihapen në 4 maj për fluturime të pasagjerëve, tha ministria e transportit në një deklaratë të shkurtër të enjten.

Ciampino është aeroporti sekondar i Romës dhe përdoret më së shumti nga Ryanair dhe transportues të tjerë me kosto të ulët, ndërsa Peretola është aeroporti i dytë më i madh i Toscana pas Pizës.

Të dy janë aeroporte ndërkombëtare, megjithëse nuk ishte e qartë menjëherë se cilat kompani ajrore, nëse kishte, do të rifillonin fluturimet.

Zyrtarët kanë filluar të lehtësojë masat e izolimit, të cilat i kanë vendosur për të parandaluar përhapjen e koronavirusit të ri.

Italia është ndër vendet më të goditura në botë nga koronavirusi.

Të enjten autoritetet njoftuan edhe për 285 vdekje të reja, duke e çuar numrin e përgjithshëm të viktimave në 27.967.