Ministria e Shëndetësisë ka shpallur 6 lokalitete në qytetin e Vitisë si vatra të infektimit më Covid-19.
Këtë e ka konfirmuar për Front Online zëdhënësi i Shtabit Emergjent në këtë komunë, Tefik Salihu.
I cili tha se përvec 5 fshatrave që janë shpallur si vatër e infeksionit me coronavirus, është edhe një ndërtesë në qytet.
“Ministria e Shëndetësisë ka shpallur 6 lokalitete si vatra të infektimeve me Coronavirus në Viti, prej këtyre 6 lokaliteteve, vatër e përhapjes me Covid-19 është shpallur edhe një ndertëse në qytet në të cilën janë konfirmuar dje nga IShPK-ja 9 persona, nga 10 sa ishin gjithsej”, tha ai për Front Online.
Ai tha se Komiteti komunal për shpëtim në këtë komunë i ka marrë shumë seriozisht vatërat e përhapjes së coronavirusit të cilat u shpallen nga Ministria e Shëndetësisë.
“Komideti komunal për mbrojtje dhe shpëtim vatrat e përhapjes së infeksionëve me croronavorus I ka marrur shumë seriozisht, dhe janë duke punuar për parandalimin e përhapjes së këtij virusi”
Salihu tha se rastet e mbrëmshme janë raste kontakti.
“Përdryshe rastet janë raste kontakti me persona të tjerë”, shtoi ai.
Më tej, ai tregoi se gjendja e të prekurëve në këtë komunë është stabile ndërsa 3 prej tyre janë shruar.
“Deri tani në komunën e Vitisë janë 44 të infektuar, 6 janë në spital, të tjerët po trajtohen në kushte shtepiake në vetëizolim, ndërsa 3 janë shëruar. QKMF në këtë komunë i viziton të prekurit nëse ka nevojë dhe gjendja e tyre është stabile”, potencoi Salihu për Front Online.
Salihu tha se kanë marrë ndihmë nga Ministria e Shëndetësisë dhe se ka pasur donacione të ndryshme për gjërat elementare në QKMF-në e Vitisë.
“Para dy dite kemi pas nndihma nga Ministria e Shëndetësisë, kanë sjellur dezinfektues, maska, dorza edhe rroba, për rroba kanë nevojë më shumë stafi I QKMF-së në Viti, pra janë në mungesë të tyre pasi që janë njëpërdormshe. Komuna e Vitisë ka pasur edhe donacione të ndryshme për të ndihmuar qytetarët e kësaj komune në këtë situate të pandemisë”, përfundoi ai.
Vitia ishte komuna e parë ku u shfaq përherë të parë në Kosovë Covid-19.
Ndryshe, në Kosovë deri më tani kanë vdekur 12 persona, të prekuar nga virusi janë 561, ndërsa të shëruar janë 102./Front Online/
