Një delegacion i Komisionit Qendror të Zgjedhjeve, është duke zhvilluar një vizitë zyrtare në Shtetet e Bashkuara të Amerikës. Kështu ka bërë të ditur vetë KQZ, në njoftimin e secilës shtohet se, delegacioni ka përcjellë nga afër organizimin e zgjedhjeve primare në Tampa të Floridës dhe ka vizituar në Omaha selinë e ES&S-së, kompanisë më të madhe amerikane në fushën e teknologjisë zgjedhore, ku është njohur me pajisjet dhe zgjidhjet teknologjike për administrimin e zgjedhjeve.
Në njoftim shtohet se, delegacioni zhvilloi takim në Departamentin Amerikan të Shtetit me Amy Carnie, Drejtoreshë e Zyrës për Evropën Qendrore dhe Perëndimore.
Postimi:
𝗗𝗲𝗹𝗲𝗴𝗮𝗰𝗶𝗼𝗻𝗶 𝗶 𝗞𝗤𝗭-𝘀𝗲̈ 𝗻𝗲̈ 𝘃𝗶𝘇𝗶𝘁𝗲̈ 𝘇𝘆𝗿𝘁𝗮𝗿𝗲 𝗻𝗲̈ 𝗦𝗵𝘁𝗲𝘁𝗲𝘁 𝗲 𝗕𝗮𝘀𝗵𝗸𝘂𝗮𝗿𝗮 𝘁𝗲̈ 𝗔𝗺𝗲𝗿𝗶𝗸𝗲̈𝘀
Gjatë vizitës, delegacioni ka përcjellë nga afër organizimin e zgjedhjeve primare në Tampa të Floridës dhe ka vizituar në Omaha selinë e ES&S-së, kompanisë më të madhe amerikane në fushën e teknologjisë zgjedhore, ku është njohur me pajisjet dhe zgjidhjet teknologjike për administrimin e zgjedhjeve.
Në Uashington D.C., delegacioni zhvilloi takim në Departamentin Amerikan të Shtetit me Amy Carnie, Drejtoreshë e Zyrës për Evropën Qendrore dhe Perëndimore dhe përfaqësues të Zyrës për Kosovën.
Gjithashtu, delegacioni u takua me zyrtar të lartë të Zyrës për Evropën Lindore dhe Euroazinë në Departamentin Amerikan të Tregtisë, ku u diskutuan mundësitë e bashkëpunimit dhe mbështetjes për avancimin e administrimit të zgjedhjeve në Kosovë përmes përdorimit të teknologjisë.
Delegacioni zhvilloi takim edhe me Bordin Zgjedhor të Distriktit të Kolumbias, ku u diskutua për praktikat e administrimit të zgjedhjeve dhe mundësitë e bashkëpunimit institucional.
Vizita synon shkëmbimin e përvojave, forcimin e bashkëpunimit institucional dhe avancimin e mëtejshëm të administrimit të zgjedhjeve në Kosovë përmes përdorimit të teknologjisë.
