Një avion luftarak F-35 izraelit rrëzoi një avion luftarak iranian YAK-130 mbi Teheran, sipas ushtrisë izraelite, duke shënuar herën e parë që avioni i gjeneratës së pestë me teknologji ‘stealth’ rrëzon një avion armik me pilot në bord, raporton CNN.

Herën e fundit që Forcat Ajrore Izraelite u përfshinë në luftim ajër-ajër ishte në vitin 1985, sipas mediave izraelite, kur një F-15 rrëzoi dy MiG-23 sirianë mbi Liban.

Forca Ajrore Iraniane përbëhet nga avionë luftarakë të vjetëruar sovjetikë dhe amerikanë. YAK-130 “Mitten” është një avion stërvitor dhe luftarak i lehtë, nënsonik, me dy vende, që nuk mund të krahasohet me F-35I modern.

Kjo ndodh ndërsa sulmet SHBA-Izrael po përshkallëzohen mbi Iran dhe Liban në ditën e pestë të luftës me Iranin.