Ministria e Financave, Punës dhe Transfereve ka njoftuar se sot janë ekzekutuar pagat me rritje prej 55 euro për 84,230 shërbyes publikë në organizatat buxhetore.
Sipas njoftimit nga MF-ja, kjo përbën fazën e dytë të rritjes vjetore prej gjithsej 110 euro, e ndarë në dy këste: 55 euro nga janari dhe 55 euro nga korriku 2025.
Ministria thekson përkushtimin për përmirësimin e mirëqenies së qytetarëve përmes politikave të qëndrueshme financiare.
“Ministria e Financave, Punës dhe Transfereve njofton se sot janë ekzekutuar pagat me rritje prej +55 euro për 84,230 shërbyes publikë nëpër organizatat buxhetore. Kujtojmë se kjo është faza e dytë e rritjes vjetore prej 110€, e ndarë në dy pjesë:
✅+55€ nga janari 2025
✅+55€ nga korriku 2025
Ministria e Financave, Punës dhe Transfereve mbetet e përkushtuar në zbatimin e politikave që kanë për qëllim mirëqenien e qytetarëve”, thuhet në njoftim.
Shkrimi i plotë:
