Kryetari i shoqatës së naftëtarëve të Kosovës, Fadil Bernjani ka njoftuar se “çmimet e naftës po rriten për shkak të tensioneve në mes të Izraelit dhe Iranit.

“Njoftim mbi zhvillimet e fundit ne lindje te mesme dhe ndikimin ne sektorin e naftes: Cmimet e naftes po rriten per shkak te tensioneve ne mes te Izraelit dhe Iranit. Kjo po shkakton frike per nderprerje te furnizimit duke ndikuar ne rritjen e cmimeve”, shkroi Bernjani në një postim në Facebook.

“Irani prodhon nje pjese te madhe te naftes ne bote dhe kontrollon ngushticen e Hormuzit, nje pike ku kalon afersisht 20% e naftes boterore. Cdo eskalim i kesaj situate do te ndikoj me shume ne rritjen e naftes ndersa ndonje marreveshje paqeje e ndermjetesuar nga SHBA mund te qetesoj tregun e naftes. Cmimi i naftes ne Kosove sigurisht qe ndikohet gjithashtu nga keto zhvillime gjeopolitike per shkak qe Kosova importon pjesen me te madhe te naftes”, shtoi ai.

Çmimet aktuale në Kosovë sipas Bernjanit janë: Diesel: 1.14€-1.24€ dhe Benzine: 1.15€-1.25€.