Xumi Allushi, një nga banorët e Big Brother VIP Albania 4, u eliminua dje pas një nominimi kokë më kokë me Eglin, “simpatinë” e tij brenda shtëpisë.

Gjatë qëndrimit të tij në shtëpi, Xumi ka pasur një moment tensioni ku ka sharë rëndë Gjestin, duke përmendur motrën e tij.

Pas eliminimit, Xumi ka kërkuar falje në një intervistë për emisionin Shqipëria Live në Top Channel, duke sqaruar se sharjet nuk ishin drejtuar personalisht ndaj Gjestit, por ishin një reagim momental nga nervozizmi i situatës.

Ai tha se presioni i shtëpisë është shumë i madh dhe se një sharje e tillë ishte një moment i rastit dhe jo një qëllim i drejtpërdrejtë ndaj Gjestit.

“Nëse padashur, duke dit që presioni aty është tepër i madh, dua ta sqaroj edhe këtë pjese meqë e cekëm. Absolutisht në asnjë moment nuk kam drejtuar fjalë ofenduese kundrejt Gjestit. Ne e kemi i çik shqiptarët se në një situatë tensioni e lëshojmë një sharje momenti por në asnjë moment absolutisht nuk ka qenë për Gjestin. Ka qenë një sharje momenti që e lëshojmë por kërkoj ndjesë sigurisht. Nuk është etika ime në përditshmërinë time, por ka qenë në nerva e sipër në lidhje me situatën, rëndesën e gjësë por jo me Gjestin në asnjë moment”, ka thënë Xumi.

Eliminimi i Xumit erdhi pasi Egli e nominonte atë në një nominim kokë më kokë si avantazh pas hapjes së Kutisë së Pandores.