Këngëtarja e njohur shqiptare Shkurte Fejza ka fituar çmimin si këngëtarja më e mirë shqiptare në Turqi 2024.
Përmes një shkrimi në llogarinë e saj në Instagram ajo ka falënderuar të gjithë shqiptarët që jetojnë në Turqi që e kanë votuar, shkruan Indeksonline.
“Ju që gjuhën shqipe e mësuat nga ninullat e nënave tuaja dhe e ruajtët këtë gjuhë të bekuar përmes këngëve tona”, shkroi ndër të tjerash.
Postimi i plotë pa ndërhyrje:
“Çmimi -Këngëtarja më e mirë shqiptare -në Turqi 2024. @bestofrumeli. Falenderim dhe mirënjohje për të gjithë ju shqiptarët që jetoni në Turqi që më votuat për këngëtare të vitit, ju që lindet e u rritet larg vendit të baballarëve dhe gjyshërve tuaj. Ju që gjuhën shqipe e mësuat nga ninullat e nënave tuaja dhe e ruajtët këtë gjuhë të bekuar përmes këngëve tona. Falemnderit edhe juve që edhe kur nuk e dini gjuhën shqipe por këngët e mia këndoni bashkë me mua siç ishte rasti mbrëmë. Me miliona keni votuar për mua dhe me miliona herë ju përshëndes dhe ju falënderoj”.
