Një aksident me fatalitet ka ndodhur sonte në autostradën “Ibrahim Rugova”.
Nga ky aksident po ashtu tre persona kanë pësuar lëndime trupore dhe po trajtohen në spitalin e Prizrenit.
Kjo u konfirmua për Klankosova.tv nga shefi i Emergjencës Hekuran Veçgishti.
“Tre persona i kanë sjellur tek ne. Gjendja e tyre aktualisht është stabile. Ata po vazhdojnë të marrin trajtimin mjekësor”, tha ai për Klankosova.tv
Lidhur me rastin detaje ka dhënë edhe policia e Kosovës, por duke mos dhënë asnjë shifër konkrete rreth numrit të viktimave.
Zëdhënësi i policisë Daut Hoxha, tha për Klankosova.tv se në aksident ishin të përfshirë një automjet me targa të huaja, një kamion dhe një automjet me targa vendore.
